大陸翻版米妮露真身,結果令小孩痛哭,網上議論紛紛

中國是山寨大國,幾乎任何事物在中國都有山寨版,膾炙人口的迪士尼人物當然不例外。近日,山東濟南公園出現了一隻「米妮老鼠」,到處與途人合照,據指每次收取5元。不過最令人詫異的,是她露出真身之後的原貌。 有傳媒跟蹤「米妮」,發現她原來是一名70歲的婆婆。接受訪問時,她聲稱自己丈夫患病,加上媳婦在醫院留醫,開支龐大,因此要靠扮「米妮」來掙錢。 有網民懷疑其身世,也有人認為她是將自己的「山寨」行為合理化,更有網民感嘆中國作為社會主義國家,對貧弱的照顧卻十分不足,「米妮」事件實屬國家的悲哀。

Read more

中國移居華倫西亞人數爆升,媒體憂被中國「蠶食」

西班牙華倫西亞媒體報導,當地的外國人口持續減少,可是華人人口卻不斷增加,令華人在該區的人口比例逐漸提升,對區內影響力增加,有傳媒憂會被中國「蠶食」。 西班牙華倫西亞當地媒體《省報》報導,自2012年至今,居住在華倫西亞大區內非西班牙國籍人數總體下降15%,其中德國籍人數減幅超過50%。但與外籍移民總體下降趨勢形成鮮明對比的是,華人數量增加了14%左右。 現時中國籍人口在華倫西亞約有2萬2千多人,佔整體人口比例不高,但當地人擔憂隨著中國經濟進步但人權倒退,移民數量將會大大增加,最終對當地造成衝擊。

Read more

我個仔終於出手打柒個新來港同學,但我無特別唔開心

唔知大家覺唔覺,近年好多明明著住香港校服嘅小朋友(主要係小學生),三五成群,出口居然是流利捲晒脷嘅普通話。明明係香港學生,但佢哋無論語言、行為舉止,以至講嘢嘅內容都同典型本地學生好唔同,你會覺得佢哋好似唔係生活喺香港,但佢哋又確實住喺香港,唔係放學即搭旅遊巴返恩平浸溫泉果啲雙非。 呢個畫面相當詭異,我初時以為係個別好似鳳西果啲學校先有咁嘅情況,後來我先知原來我個仔間本土到不得了嘅屋邨學校,都有呢種學生存在。 我一直覺得,反正700萬人反對下,你都係嚟咗香港落地生根,點解唔好好享受吓香港嘅環境,識吓香港啲朋友仔,試吓做過新香港人。但事實證明,佢哋真係唔打算融入你。 首先係語言,我仔間學校係鼓勵大家用廣東話交流的,但有些學生一副「我係唔講呀,吹呀」嘅態度,加上佢哋家長都支持佢哋「堅決維護自身文化」,學校又半當睇唔到咁(都唔處理得咁多),於是佢哋就可以繼續肆無忌憚咁講普通話,跟同樣講普通話嘅同學仔圍爐。今日嘅本土學生好多都識識哋普通話,但文化上根本無法融合,以致往往分開玩。 分開玩咪分開玩,最慘係老師懶係為咗促進彼此關係,硬係會將「大陸幫」拆散,然後安排佢哋同本土同學仔分組搞啲project果類嘅嘢。呢啲小組最理想就係貌合神離,勉強都叫可以順利完成一件事。而最壞結果係引發衝突,釀成風波,我個仔就係咁。 佢有位新來港同學,就叫佢大明啦。佢係肥仔一名,不嬲疑似有啲SEN(特殊學習需要),平時行為舉止都傾向蝦蝦霸霸同自我,只不過校內majority始終係本土學生多,佢除咗有時整喊吓人之外,都未至於成為惡霸。之但係分組做嘢時就出事喇。呢條友成日阿支阿左又唔做嘢不在話下,講嘢又無人明,組員辛辛苦苦整咗個模型(關於天文望遠鏡果啲嘢),佢居然貪玩整爛佢,仲笑嘻嘻咁擺個勝利手勢,真係想打X佢。最氣結係我哋有家長在whatsapp group開晒名投訴,但大明個阿媽居然零回應,真係有其子必有其母(佢老母平時問功課果陣好積極的,肯定識用whatsapp)。 我哋都有向老師反映,但得到嘅回應係「包容、勸導」果類講咗等如無講嘅嘢,同組嘅家長都在無奈下勸仔女當少一個組員,最多當益佢,唔使佢做,但加埋佢個名。大家於是當大明透明咁,大明自己都知咩事。但唔知係咪被忽略令佢太難受,搞到要做啲古怪行為去宣洩同引人注意,臨交project果日佢居然拎支望遠鏡打我個仔,搞到支嘢爛咗交唔到,而我個仔果吓終於忍唔住,出手郁佢,結果雙雙被記過,我同老婆據理力爭都無用。成件事學校比我嘅感覺係唔願意承認大明係比較唔啱果個,只以一般衝突去處理。 有時都唔係話特別歧視某啲族群,只係當唔同族群無辦法,焗住要生活在一起嘅時候,係咪有啲嘢可以做好啲,免得大家困獸鬥咁?好似大明咁,佢作為有學障兼唔識廣東話嘅小朋友,強行將佢放在主流學校而又零配套咁,對佢,同對佢啲同學,又係咪公平?我當然唔會期望吳克儉回答我呢啲問題,希望下一任教育局長會好好思考吓呢樣嘢。

Read more

希望小學變村幹部私人住宅,幹部:小學辦不了我才買下

香港人一向善心爆棚,以前未有中港矛盾時,經常捐款給大陸辦學、賑災等,雖然不時有指善款遭「落格」,可是仍無阻港人的熱心公益。 陜西合陽縣一條村早年接受捐款建了希望小學,可是近日該座希望小學卻被揭發已成為某村幹部的私人住宅,全無教學用途。 該幹部指自己曾助村的某些項目墊支十多萬,之後村無法還款,自己於是再加多十多萬買下該所小學。他強調學校已停辦,自己是合法購入學校。 可是有陸媒指,村民對此並不知情,整個交易過程只有極少數人獲悉。學校建築於2004年建成,面積約300多平方米,據指幹部「購入價」僅24.6萬元人民幣。

Read more

《歌手》海報被指抄襲電影海報,網民:是copy and paste才對

大陸熱爆的歌唱節目,張學友等真巨星不屑參與的節目《歌手》,其宣傳海報被觀眾發現與電影《怪獸與牠們的產地》十分相似,懷疑抄襲。 《怪獸與牠們的產地》是《哈利波特》系列的作品之一,2016年上畫。其宣傳海報的背景居然和《歌手》不某而合,風格也相當神似,網民紛指責《歌手》的製作團隊抄襲。 不過亦有網民精警表示,這種程度的相似,應該是copy and paste而非「抄襲」,獲不少網民讚好。

Read more

此人認為馬桶大便不環保,堅持野外排糞惹爭議

原來,野外排糞並非某些國民的專利。67歲日本男子伊澤正名覺得傳統的如廁方式浪費水電又浪費衛生紙,很不環保,所以他從1974年開始就堅持在野外大便,43年來至少拉了1萬3千次野屎。伊澤甚至自稱糞土師,積極推廣伊澤流野糞法,還寫了一本名為《糞土思想救地球,來用樹葉擦屁股》的書。 伊澤本身是一名自然攝影師,從高中時期就熱衷保護自然。他熱愛拍攝植物、真菌、黏菌,還曾出過幾本攝影書籍。1974年,伊澤認識到了現代上廁所方式對自然的破壞,所以決定從自身做起。不過一開始他也只是偶爾跑出去拉,直到1999年才徹底達成100%野外大便。 伊澤表示,其實拉野屎一點也不輕鬆,他曾經被蜜蜂叮咬,被猴子丟石塊,還差點被野豬、毒蛇攻擊。不過他覺得人​​類才是最可怕的,因為動物最多只會攻擊你,人類卻會盯著你,用異樣的眼光看你,把你當瘋子,甚至報警和提告。 伊澤嘗試了很多不同的植物來擦屁股,更與公眾分享。他認為狗尾草是最好的,因為它感覺像絲綢,還有良好的吸附力。而他亦推介磨菇,因為它非常柔軟,用起來有點像粉撲,超級舒服。他也將這些經驗寫進書裡,分析各種不同植物在擦屁股上的優劣。

Read more

垃圾筒旁驚見結婚照,網民笑唱「情已逝」

近日Facebook有一張照片瘋傳,有網民在某條後巷的垃圾筒旁發現一張結婚照,背後故事惹人遐想,亦勾起眾網民「懷舊金曲熱」。 有網民引張學友金曲《情已逝》的歌詞「不得不放棄 柔情何時已消逝 沒法可重計」,獲得不少讚好。又有網民在留言貼上《舊歡如夢》的歌詞:「恩情於今化煙雲 未許再續情份」;不過最好笑的是有網民貼上方力申《好好戀愛》的MV截圖,十分爆笑。

Read more

東涌做愛的故事

唔知好彩定唔好彩,2004年時,我一家人入住咗東涌逸東邨。我覺得好彩嘅係,總算有間公屋住,唔好彩嘅係,其實東涌嘅規劃真係好仆街,搞到拍拖都會比較容易出事。 東涌,規劃上同其他新市鎮如天水圍及將軍澳等分別不大,但我個人認為東涌比香港其他所有地區都要悲情。而逸東邨係東涌最大嘅屋邨,當年政府求都無人肯入去住,結果房署要用「人均面積較大」作招徠,成功氹到一班想住得舒適嘅人,包括我老豆,搬嚟呢個萬劫不復之地。 我話東涌唔好,最主要係指對窮L而言。喺天水圍做窮L,尚且可以搭幾蚊車去元朗玩(that’s why 元朗咁Q多人,因為要entertain埋天水圍人,仲有強國遊客等),將軍澳就更方便,去觀塘果啲都近。但住東涌,要跨區就閒閒哋廿幾三十蚊車費(單程),根本就係焗你原區消費。 我同條女都係住逸東,原區讀書,屋企環境都唔係好,零用錢就唔好提。我哋拍拖,多數喺番東涌,但最慘係東涌根本無嘢好搞!同將軍澳、天水圍一樣,東涌係無街的。東涌有的,只是大型懶高檔商場同領展商場。領展商場無咩好行,而東薈城就更加唔係比香港人行。想睇戲,點知唯一嘅戲院都摺埋(當初我仲信周浩鼎真係會幫我哋爭取保留戲院)。 而最大問題,喺東涌,係想搞嘢都唔得!游蕙禎講嘅「年青人無地方扑嘢」,我深同感受。我同女朋友屋企都有人無返工,因為地區偏遠,東涌好多人搵唔到原區工,就索性唔做嘢。而我哋屋企人因為嫌遠嫌貴,亦係絕少跨區去街的,所以我哋屋企長期有人。至於去開房,首先係貴,另外就係遠。東涌方圓十里都係無房可爆的!搭車去旺角,粒幾鐘車,去到都軟晒,港島區好似近少少,但搭港鐵去到香港站,都要行成十分鐘先去到中環站,仲要再轉車,去得嚟乜mood都無晒。 我同條女一齊咗兩年,拍拖生活一啲都唔豐富,嘢又無得搞,我覺得同東涌規劃絕對有關。我唔會怪東涌呢個地方,先天位置無得搞,遠就係遠,但係正苦規劃就絕對係失敗!政府只提供生存空間比東涌居民,但就無諗過東涌居民除咗生存,仲要生活。東涌人生存係無問題,但生活就要自己諗計。但政府明知呢度無其他區支援,點解唔規劃得好啲?搞到戲院都無間,真係純粹商業嘅問題,正苦一啲責任都無?東涌其實環境幾好,夠大,又山明水秀,規劃得好啲嘅話,絕對能成為自成一角,自給自足嘅社區,但就係規劃唔好,搞到東涌變成一個懨懨悶悶嘅死角,依家話再遠啲嘅梅窩有居屋賣,唔少人爭崩頭想買,我就會以過來人身份,勸佢哋唔好高估自己嘅適應力同唔好錯誤期望每個社區都會慢慢變得完善。有啲地方真係會越來越唔完善的。 香港醬聞獨家刊登,轉載請附連結

Read more

中國學者集體學術欺詐,百多篇醫學論文遭撤稿

世界著名學術出版商斯普林格(Springer)4月21日發布消息,稱其治下的期刊《腫瘤生物學》(Tumor Biology)因作者編造審稿人和審稿意見而撤稿107篇論文,當中涉及的作者都來自中國,不乏上海交通大學、浙江大學、中國醫科大學等名校。 這些論文作者提供虛假的審稿意見。部分論文作者冒用本領域專家的名字申請郵件地址,在專家不知情的情況下,從虛假郵箱向期刊提供正面誇讚論文的審稿意見。斯普林格表示,他們的調查掌握了確鑿的證據(clear evidence)。 去年,因為類似的原因,《腫瘤生物學》撤稿了25篇論文,今年的撤稿數量打破了紀錄。由於斯普林格定期審查與業務夥伴的關係,在2016年底,斯普林格停止了出版《腫瘤生物學》。 該雜誌新的出版商SAGE的發言人表示,《腫瘤生物學》編輯團隊已經推出了新的強大的同行評審的做法,以防止未來的偽造審稿事件。

Read more