14中國學生因學不好西班牙語,遭大學開除勒令離境

在華拉度列大學(Universidad de Valladolid)就讀的14名中國留學生,因為西班牙語學不好,經過700小時加強培訓之後仍不達標,結果被開除學藉,更要在15天內離境。 中國僑網引述外媒報導,當初這14名中國留學生是透過一個位於帕倫西亞(Palencia)的「學習、旅遊和體育基金會」來到當地大學學習,原先預計在經過一年培訓後,校方會為他們預留大學或碩士就讀名額,然而最後西語水平仍未達標準,違背學校永久發展的政策,只好要求他們在限期內離境。 華拉度列大學校長Jose Antonio Sanz強調,在西班牙讀書,一定要有基本西班牙語溝通能力,學校及其他學生不會遷就外國學生而用外語交流。

Read more

清華大學證12篇論文造假,涉偷圖假簽名等

中國清華大學被爆學術造假,近兩年已有至少12篇論文被撤稿,清華大學亦證實此事,並撤銷1名博士資格,而其指導教授唐國翌也遭撤銷多項行政負責人資格,並已辦理退休。 外媒《Retraction Watch》(撤稿觀察)網站指2從014年到2016年間,清華大學發表了12篇涉及材料學領域的學術論文被撤稿,原因包括圖片篡改、內容重複、虛假署名等學術不當行為。 報導指,清華材料科學與工程專業博士生葉肖鑫一共發表18篇論文,有審查人員發現當中涉大量重複及抄襲,有的只是對圖表進行微修改就發表,揭發此事的挪威奧斯陸大學的蒂艾寧(Hanna Tiainen)博士更指有些論文「用一模一樣的圖片來描述完全不同的材料。」

Read more

再有孔子學院關門,學者料即將全面結束

美國再有多家孔子學院宣佈關門,有學者料在中美關係持續緊張,美國將不想再與中國密切交流,孔子學院全線關閉只是時間問題。 位於美國佛羅里達州傑克森維爾城市的北佛州大學(University of North Florida),今年秋季起將關閉營運了4年的孔子學院。該校聲明指出,因為審查過去4年孔子學院開辦的課程和活動後,孔院與該校的宗旨、目標不符,關閉學院是經過審慎考慮的決定。北佛州大學是繼西佛州大學、賓夕法尼亞州大學和芝加哥大學後,是美國第4所關閉孔子學院的大學。 而位於馬薩諸塞州的塔夫茨大學(Tufts University)亦以同樣理由將於明年6月不與孔子學院續約。另外,美國伊利諾伊香檳州大學和艾奧瓦大學、德州農機大學的孔子學院都將在今年關閉。 法廣報導,美國資深政治風險管理顧問方恩格認為美中關係日益惡化,加上擔心中國間諜等,孔子學院關門並不出奇。也有學者認為孔子學院早就不是宏揚中國文化、傳播儒家思想,而是宣揚中共政治理念,美國想法阻止也是正常。

Read more

學生指國歌令他感危險被批錯,網民鬧爆老師:「一定要答感動流涕嗎?」

香港教育一向著重填鴨式,老師學生都追求一式一樣的答案,在涉及政治的題材時,這種取態更為明顯。 日前網上瘋傳,有小學常識科工作紙,內容關於中國國歌。最後一條問題是開放式問題,叫學生細閱歌詞,寫出自己的體會。 有學生答:「歌詞令我覺得在危險的地方」,遭老師打交义,引起網民議論紛紛。 有網民認為題目本身只要求學生寫個人感受,並沒有對錯,老師應鼓勵學生抒發己見,而不是因政治不正確就要當做錯。也有網民質疑老師是在「政治審查」,可能老師已預設標準答案。有網民和議,質疑「難道一定要答感動流涕嗎?」

Read more

楊潤雄推「長遠」普教中,連梁紀昌都唔撐

楊潤雄指廣東話乏優勢,長遠該用普通話教中文。其言論一出,群情洶湧,連一眾親中議員和媒體都不敢發聲表態。 事實上,小學用普通話教中文有逐年下降的趨勢。關注語文教育的團體「港語學」調查更發現,全面推行普教中的小學,更由由2014/15學年的161間下跌至2016/17學年的148間。 連近年言論頗為親中的鮮魚行學校前校長梁紀昌,都認為普教中不比粵教中優勝,而粵語是香港的主要語言,用粵語學中文有助學生掌握日常應用,所以最終取消普教中。

Read more

楊潤雄遭網民批邏輯混亂變「肥媽式官員」

楊潤雄日前指全世界無人用廣東話學中文,意指普通話才是正統,學生應努力學習普通話,暗示廣東話應遭淘汰。楊潤雄的言論引起網民嘩然,大部分網民認為楊潤雄已淪為「肥媽式官員」,一味唱好中國,可是邏輯混亂,言之無物。 網民的批評歸納如下: 「你講到廣東話咁廢,你自己又講廣東話?你唔送仔女上大陸讀書學普通話?」 「冰島只有數十萬人口,但都有自己的語言,廣東話有上億人使用,為何會被淘汰?」 「全世界都用普通話學中文,所以我哋都要講普通話?咁全世界都追求民主自由,你唔上去大叫解散共產黨?」 「全世界都唔會叫虹鱒做三文魚,你個主子專做啲同世界唔同嘅嘢,我哋高攀唔起佢」 「全世界的教育局長都只會捍衛自己的語言,只有奴才先會出賣自己土生土長的地方」 「只有門字系列嘅廣東話先可以形容你,點能夠唔用廣東話」 「當年廣東歌同香港電影瘋魔亞洲,唔少人專程學廣東話,依家你班人自己玩爛香港嘅文化,然後話廣東話無用,呢啲咩邏輯」

Read more

我個仔讀北區小學後,竟滿口「傻B」、「草莓」、「往右走」

北區小學一向有好多以普通話為母語嘅學生,我個仔好不幸要喺北區讀小學,漸漸地,我發現佢啲廣東話好有問題。雖然未至於讀音變得唔正,但啲遣詞用字就好古怪,除咗某啲物件會用咗大陸詞彙之外,更嚴重係有時句式語法都會用咗大陸格式。 據我所知,我個仔主要都係同返啲講廣東話嘅同學仔玩,其實我無刻意引導佢,不過始終大家都講同一種語言會有親切感啲,所以我見香港同學玩埋一堆,大陸同學又自成一角咁,似乎係常態,有時共融嘅嘢唔係你想共就共到。 不過話雖如此,始終大家經常接觸,難免互相影響,而我個仔講嘢,就明顯受到大陸同學影響,以至有啲不倫不類。例如「士多啤梨」佢會叫「草莓」,呢樣我相對較易接受,但「薯仔」佢講成「土豆」我就強力糾正佢。亦有啲詞係連我個仔都接受唔到,但佢啲同學就會講,例如「蕃茄」,佢有同學叫「西紅柿」,我個仔覺得又怪又難讀,所以佢會講返「蕃茄」,但每次講之前都要load一load先講到。 除此之外,我個仔同人鬧交時會話人「傻B」,呢啲就完全係大陸用語,我無法接受,我寧願佢直接鬧人仆街。 比用字更大鑊嘅,我認為係語法上嘅不倫不類,因為真係好影響溝通。例如我個仔會將「望上面」講成「往上看」;打機果陣會話「往死裡打」而唔係「打死佢」;又會叫同學「唔好找我」,問人「幾多個」會變成「有多少個」等,呢啲語句聽又岩巉,講又翹口,令大家都溝通得好辛苦,不過要佢改亦唔易,因為呢啲句子佢唔係背出來,而係每日同大陸同學互動之下慢慢演變出來,我依家可以做嘅係唔好令佢將之鞏固成為習慣。 其實香港人一直在語言上不斷與台灣、大陸甚至日本不斷互動演變,一直都相安無事,因為以前果種互動往往係慢慢嚟,去蕪存菁,啱聽順口至攞嚟用,唔好嘅就忘記佢。但近年大陸入侵太快、太廣,香港人一時難以適應,往往要硬食佢哋啲語言文化。好似我個仔呢啲仲建立緊自己語言系統嘅年紀,就會被擾亂,變得不倫不類。以前一班有10個新移民已經好誇張,所以好多時係新移民融入香港語境,但係家有學校中港學生各佔一半,就無話邊個融入邊個,變咗大家都好亂,我估香港讀書嘅大陸小朋友都有同樣問題。 當然,教育局掛住推動洗腦課程,唔會理你咁多,家長唯有自己努力,同子女多啲傾計,將正宗港式廣東話承傳落去,當幫自己小朋友,又幫香港保留自己嘅語言。

Read more

意大利公立學校禁學生講華語,要求融入本土

意大利San Niccolò市公立學校日前宣佈訂立新校規,學生在學校不得用華語溝通,必須用意大利語,以便融入當地社區。 據指該校有近30%學生是華人移民後代,他們互相用華語溝通,與當地人甚少交流,形成小圈子,更不時與當地人發生衝突。 另由於語言的隔閡,華人普遍難以追上學習進度,完成初中學業的學生只有50%左右,完成高中學業的不足30%,能夠考入大學繼續深造的華人學生更是鳳毛麟角。 該校校長認為,在社區生活,就應學習當地的語言,並與當地人交流,因此訂下「禁止說華語」的校規,希望中國學生能因而學好意大利語,並能更好地融入當地。

Read more

真係唔想再喺大學canteen見到強國學生

依家香港啲大學,尤其夜晚啲part time課程,大部分都係強國學生報讀,搞到校園烏煙瘴氣,我真係唔想再喺大學校園見到呢班「未來專才」。 上堂啲騎呢嘢先唔講住,單係canteen,已經可以感受到班「非本地學生」(教育局用語)嘅氣燄。 上得夜晚堂果啲,多數都係日頭返工,夜晚進修果種。如果係香港人,多數放工趕到canteen,快趣食完就上堂,絕大部分都斯斯文文,盡量安靜。 相反班專才,個個都唔使返工咁,晨咁早霸晒啲大枱,十個八個圍晒喺度用京腔高談闊論,大聲講更大聲笑,搞到成個canteen嘈過街市。大佬,我哋放工趕嚟上堂咁辛苦,只係想上堂前安安靜靜食個快飯唧,咁都唔得? 以前大學canteen到夜晚就好少人,依家拜各類自資課程所賜,夜晚都勁多人,想搵個位坐都難。但專才們好多時都10個人霸晒成張16人大枱,咁人哋圍晒圈咁,我哋啲港燦仲好意思搭枱咩!結果港燦席往往4人枱坐足6個人,而專才們則有位擺袋又可蹺住腳,手搭住另一張椅嘅椅背,好悠然咁談論世界大事,真係見到都眼火爆。 不過最令港燦大開眼界嘅,係專才們嘅品格。依家大學canteen多數人都會自己食完自己拎個盤去回收處,但會咁做嘅專才,我見就少之又少。撩完牙將牙屑向地下吐嘅情境我就見得多。我亦見過捧住餐嘅專才將阻住佢去路嘅椅一腳踢開,呢啲都係好衝擊港燦價值觀嘅行為,多謝專才們讓我們免費上國情教育。 至於排隊買飯打尖果啲,咁講真,話晒都係專才,又唔會好似迪士尼旅客咁強行攝入嘅,不過人多時借位攝吓攝吓就梗有。另外就嚟排到時即刻呼朋喚友一齊點餐,最終一個人排隊但買十幾份餐果啲,就更加係家常便飯。 最後,我只係想講,我哋香港人咁辛苦,花咁多錢去進修,除咗為自己前途,唔少人係真係想享受一下大學生活。但係當逼車逼人逼到去大學時,一入校門就好似返咗大陸咁,你叫香港人點樣可以無怨氣?

Read more

家長要求學校增聘中國老師,讓學生學到最純正普通話,結果被圍插

呢幾年中港融合得咁快,梁振英之流嘅親共政客固然「功不可沒」,但係港豬們嘅推波助瀾亦起到非常重要嘅作用。例如有啲小學家長,一味以為乜都跟大陸果套,個仔將來就會好適應中國嘅環境,將來就會好有前途。咪玩啦。 日前家教會開會,有個虎媽(但本身無乜sense果隻)居然建議學校引入多啲中國嘅老師,等學生可以學到純正嘅普通話。 佢唔係講緊請普通話老師,係每一科都應引入中國老師。 大佬,你返學剩係為咗學普通話?啲中國老師本身無接受過港式教育,亦無接受過本地師資培訓,又唔明白香港人嘅文化,試問佢點會同學生好好相處得到?邊有可能教得好啲學生? 再講,即使來自中國,都唔一定講到純正普通話。就算講到純正普通話,佢又唔係教你講,有乜用?如果只係聽人講得多就會學得好一種語言,你叫個仔返屋企上網狂睇央視新聞咪得囉? 佢嘅建議一提出嚟,即刻比其他家長插到傻,連校長都忍唔住一路解釋一路暗串佢on9。最後,有個其貌不揚嘅肥師奶一句KO佢:點解你唔送個仔上去讀書? 係喎,上到去就唔驚聽唔到普通話啦。全場即刻靜晒,連老師都要忍笑。個被插家長谷紅晒塊面,之後全程無再出過聲,更趁休息時間靜雞雞走咗。 我睇佢應該係土生土長嘅香港人,點解可以咁心繫祖國?為小朋友好嘅話,真係要咁極端咩?我問我個仔,平日個家長嘅小朋友係點樣,我個仔話佢成日比人笑,因為佢講嘢會成日講講吓廣東話夾雜咗普通話,有時又會load唔到啲句子同詞彙要點表達。我估佢應該平日喺屋企被逼同阿媽講普通話,但阿媽自己又唔係講得好果隻,所以搞到個仔都兩頭唔到岸咁,連基本溝通都出問題。 我真係唔明,乜香港人真係要靠大陸先可以發圍咩?以前中國連彩電都無多部果時,香港人咪又係靠自己努力發達。依家中港融合咗,香港人機會比以前更加少咗,除非你係權貴,否則我唔覺得一個普通人可以靠大陸撈到幾多著數。 我希望個家長等高鐵通咗車,就快手送個仔去大灣區發展,並衷心希望佢唔好食到發瘟豬,返學時唔好地震冧校舍,繼續做個快樂的中國人。

Read more
Close
讚好香港醬聞FB
醬聞隨時送上