【深港雙城】細佬深夜兩點半打J濺到我身,我粒聲都唔敢出

我同細佬、阿爸同阿媽一齊住。我嚴格來講同佢哋無血緣關係,我老豆養我唔起,先將我交比依家呢個屋企。所以雖然我細佬樣樣嘢都唔及我,但係老豆老母依然錫佢多啲,仲成日同人講細佬叻過我。依家屋企有事要幫手就當我一家人,有好嘢時我就變返養仔,乜都無得分。

早幾年屋企環境唔好,我出嚟做嘢幫補家計,屋企差唔多靠我養咁滯,果時父母對我比依家客氣。之後屋企經濟慢慢好啲,就開始對我呼呼喝喝。我細佬對我亦越來越差,我哋訓同一間房嘅,本身我個位就細過佢好多,我問佢要番小小地方,佢唔肯不特止,仲越霸越多地方,又成日放啲嘢喺我度,搞到我連訓都無地方訓。

最過份係我屋企人見我搵得多,於是成日買埋晒啲貴嘢,然後叫我找數,搞到我銀行戶口開始乾塘,但佢哋仍然貪得無厭,真係唔知我仲可以捱幾耐。近日我細佬買咗架車,使我一大筆錢錢,但佢車牌又未考到,架前七又未開始揸已經成日機件故障,每次整車又要我比錢,我心中不滿,亦唔明我哋住果度交通咁方便,點解仲要買架車。雖然係咁,但表面上我仍然要對佢客客氣氣咁,真係好難頂。

我啲friend成日問我點解唔搬出嚟住,自己獨立成家,咁咪唔使睇佢哋面色囉。我答佢哋,搬出去住有好多嘢要重新適應,遲啲先算啦。啲friend聽到我咁講,都搖頭嘆息,話我自己攞嚟。

直至有一次,我真係嬲到爆。有次半夜差唔多兩點半,我訓唔著,擘大眼時竟見到我細路隻手伸咗入褲襠有所動作。我一如既往扮見唔到,但佢竟然悶哼一聲,就向住我嘅方向噴嘢,仲要濺到我個身。果刻我真係嬲到爆,我心諗,點解你咁自私,出嘢唔向第二邊?你明知我就喺你隔離,你咁都照出?你出之前唔單聲先,等我避一避?你都知自己醜,咁點解你唔平時做多啲運動,定期宣洩吓,成日都搞到要谷行晒先解決?你哋成日以為我無咗你哋一家人就生存唔到,其實依家你哋靠我先有飯開。你哋以為「血濃於水」大晒,其實我哋根本無血緣關係。我揸緊拳頭,仍然唔敢出聲,靜靜地抹走身上嘅穢液,繼續倒頭大睡。

Close
讚好香港醬聞FB
醬聞隨時送上