大陸人住公立醫院要求多多,護士唔識聽普通話捱鬧

作為公立醫院護士,工作極度辛苦不在話下,不過回報亦係相當之「高」,剩係有機會見盡世間騎呢人士,已經令人獲益匪淺。我保證,做完公院護士,你一定會好愛身邊每一個人,因為你身邊嘅人一定唔會及得上某部分公院病人,尤其係強國人咁極品。

好多強國人(有啲係新香港人,有啲直頭真係大陸人,經急症室上房),都會當香港公立醫院好似酒店咁,多多要求,更會對工作人員呼呼喝喝。佢哋啲要求千奇百趣,例如一次有一班大陸親戚嚟探病,隔離床係咁咳,其中一個親戚就大聲喝護理員姐姐:「快點帶她(隔離床個病人)走,不要傳染我們!」護理員姐姐廣東話回敬:「你哋走咪得囉,唔好煩我!」當時班大陸人勁㷫,又話要投訴又盛,不過護理員難請人,上頭大事化小,當無事發生過就算。

有一次一個強國大叔一上房就用普通話要呢樣果樣,當值護士唔知佢噏乜,亦唔想理佢,就用半鹹淡普通話答:「我聽不懂!」點知個阿叔起勢係咁鬧,勁激動面都紅晒咁話:「香港是中國的,怎麼香港人連普通話都不懂,你們不想做中國人嗎?」護士答佢:「我是英國人。」個護士揸英國護照,個阿叔聽到即刻無聲出,眼神更有幾份羨慕,爭在未請教護士姐姐點先可以申請到英國護照咁款。

收得強國病人多(近年越來越多),我發覺佢哋有個共通點,就係一嚟到就係咪都起晒槓。有同事試過好聲好氣同佢哋解釋,但就換來更不堪嘅態度。你只能夠用權威去壓服佢哋,令佢哋知道邊個先係莊,咁就會客氣好多。好在香港醫護人員出名專業,都叫壓得住場。不過我都好擔心再係咁落去,香港醫院遲早好似大陸咁,會有醫護人員比病人或家屬打。

香港醫療資源本身已經不足,私營都話可以透過市場機制調節(當然最終都係害苦港人),公營就只能夠硬食。香港醫療系統真係無條件再去分身應酬其他地方嘅人。每日放150個人落嚟呢個政策固然要檢討,近年更有識玩之非香港人,透過急症室再用埋住院服務,只要你夠爛,肯唔要面,成功lur到醫生比你上房就得。非港人住院好貴?傻啦,唔比嘅話,幾貴都只係價錢牌嚟唧。

作為公院護士,相信無乜邊幾個唔心淡。尤其見到香港人連基本醫療服務都得唔到,強國人卻喺度也文也武,果種不甘嘅心情真係無法形容。我建議唔好理咩人唔人道,非港人應一律比咗錢先可以住院,唔比錢就死喺門口都唔理,咁就可以至少隔絕一批存心走數嘅賤人。

Close
讚好香港醬聞FB
醬聞隨時送上