強國人到香港診所打針,要求護士預備痰盂

近年強國人大舉湧到香港注射疫苗,除咗因為佢哋信唔過自己偉大祖國生產嘅疫苗之外,中介嘅推波助瀾亦發揮好大作用。我個人認為呢班先係真正仆街冚家剷,因為佢哋將原本已經強勁嘅需求,強行谷到更大,以賺取最多佣金,但成個社會就更不堪負荷。順帶一提,我接觸過嘅中介,大部分都係香港人來的。

我喺某連鎖醫務中心做診所護士,份工本身都唔多好做,近年因為太多強國客,令工作環境更加惡劣。啲強國客嘅劣行數不勝數,講起都激氣。

我間診所開喺商廈裡面,即係成棟樓都係醫務所果種。我最怕落樓做嘢再返診所,因為11點開始,電梯大堂已經有長長嘅人龍,大部分時間都係7成大陸人,得3成係香港人。啲大陸人搞到電梯大堂烏煙瘴氣,又嘈又多小朋友玩喼,成日撞到人,啲保安都嗌到無晒聲。

另外我唔明點解大陸人咁鍾意食煙,等果幾分鐘都要行開食返支,等見醫生時更密密出入後樓梯偷食,一返入嚟就成身煙味,極之難頂。唔知係咪食煙食太多,佢哋好Q多痰,試過有人就咁吐喺垃圾筒,比我同事鬧爆,更有人要求我哋預備個痰盂比佢隨時吐痰,我串佢話你估依家係啱啱解放果陣咩,佢即刻無聲出。

自從唔知邊個發明咗嚟香港打疫苗呢招之後,基本上原本應該安靜嘅診所就永無寧日,談笑聲、小童哭鬧聲、吆喝聲等此起彼落,我有唔少病人都同我呻話留得耐無病都變有病,我只能向佢哋無奈苦笑。

就我角度睇,我認為要中國人相信自己祖國嘅疫苗,應該今個世紀之內都唔會做到,而且隨住香港醫療個朵越來越響,加上中國人越來越有錢,未來只會更加多中國人來佔用香港嘅醫療設施。香港人依家成日討論公營醫療點樣比大陸人玩殘,但其實私營市場,一樣由同胞們玩謝。香港人只能自求多福,希望無病無痛過到一世。

本文由作者(亞珍姑娘)投稿刊登

Close
讚好香港醬聞FB
醬聞隨時送上