每次經過高鐵站都好感慨:如果條鐵從來無開通過你話幾好

不經不覺,高鐵香港段已封咗半年。每日我都會經過柯士甸站,今日見到呢個封咗嘅大閘,突然好感慨,如果高鐵從來無開通過,你話幾咁好。

無咗高鐵,中港之間仍然有羅湖同落馬洲作聯繫,但高鐵站特別之處在於,佢標誌住大陸完全唔理香港情況,強行插入內射中出生一大堆怪胎政策嘅新時代。

兩個相鄰嘅地方當然有聯繫,先唔講一唔一個國家嘅問題,新加坡同馬來西亞都有聯繫,荷蘭比利時直頭雙方人民可以隨時踏入對方邊境。聯繫本身無問題,羅湖由2003年起越來越多人過嚟當然造成一啲問題,但都未至於搞到個個想移民。

直到高鐵嘅出現,兩種不同甚至某啲位有衝突嘅制度,突然要用條鐵強行連埋一齊,以致出現一地兩檢之類唔知係早有預謀,定係臨時補鑊嘅決定,令全香港市民突然意識到,原來一直行之有效嘅制度、規條同習慣,可以咁不堪一擊。

如果你問香港人一提起「高鐵」會諗起咩關聯詞,我估應該好少人會諗到「方便」、「快捷」、「聯繫」之類政府好想我哋諗到嘅字詞;反而「一地兩檢」、「超支」、「送中」之類因為無充分諮詢,因為急就章夾硬嚟而衍生出嚟嘅負面字眼更深入香港人嘅心。

高鐵,係令香港人逐漸對未來失去信心嘅開始。今日我又再經過封咗半年嘅高鐵大閘,如果呢度閘從來無開過,香港仲會唔會好似依家咁?

Close
讚好香港醬聞FB
醬聞隨時送上