五十句口頭禪,如果你經常講,便證明你是老seafood

sketch-1467632391996

世上有兩種老人,一種是受人尊重的老人,一種是阻住地球轉的老seafood。《墳場新聞》日前集合五十句經典老seafood常掛口邊的話,如果你發覺自己經常講,那你應該不會太受年輕人歡迎了。

「做咩你夠鐘放工就走?」
「小小野就話捱唔住。」
「你識乜!」
「一個人到四、五十歲,一啲物業都冇、乜都冇,呢個人廢人嚟㗎啦!」
「咳兩聲就Sick Leave,依家啲後生真係少少野都捱唔住」
「搞咁多野做咩?D後生都係發窮惡之嘛。以前我地冇得食呀,都係咁過啦。」
「我係加拿大咁耐,見到梁振英都好努力做野呀……」
「民主唔係一步登天架! 」
「你讀咁多書咪又係咁。你有冇反省?」
「個世界就係咁㗎啦⋯⋯」
「如果唔係我地係香港捱生捱死,你地依家邊有咁好環境。」
「宜家一個月賺到7000咪好囉,想當年我地一日三十蚊架咋……」
「頂唔順咪移民囉,留係香港做乜啫。」
「你地班後生成日都話個特首唔掂又剩,咁叻你地唔自己上去做。」
「我半年前已經講過…..」
「其實依家個政府咪幾好,比埋錢你地供樓喎,以前我地邊度有呢啲野吖。」
「年年咁多大學生畢業,一街都係大學生,大學生唔值錢。」
「話咗你㗎啦。」
「每日O多兩三個鐘T啦,係機會黎。我以前都係咁。」
「到你到左我呢個年紀你就會明白架喇!」
「嗰時我一個人打兩三份工啦,點解你班後生咁唔捱得?」
「我以前返朝九晚五,食完飯返多份工返多4個鐘咁搵錢,呢家你班廢青返一份工都嗌辛苦!」
「我咁同你講得梗係有理由啦⋯⋯」
「你咁唔鍾意中國,做乜仲要留喺度?」
「你地後生,冇社會經驗。」
「我唔明點解買部計數機比你,你數學都可以唔合格。」
「政府其實都想同你地傾,但係你地成日都唔願傾。」
「天下烏鴉一樣黑,外國咪又係咁多問題,你走得去邊?」
「政府搞乜都好,你班友淨係識得搞對抗,香港點會好?」
「你唔駛同我講呢啲,我淨係知你地啲後生而家攪攪震。」
「成日換手機梗係儲唔到錢啦!」
「香港本黎好好架,所以我有少少投資,有幾層樓咁。係啲人講到自己好有道理搞亂曬。」
「始終買先係自己架。萬六蚊呎但首期平喎。二百呎唔係住唔到人。」
「我好似你咁大時,渣住五個單位四個車位。點解你唔試下入市?」
「照計你都買到樓架。」
「點解你唔抽居屋呀?」
「老細又唔係唔睇你,點解你唔勤力啲?」
「你地呢啲後生⋯⋯」
「係囉。讀多啲書咪好囉。後生讀到梗係讀,我等退休架啦。你勤力啲先得架。聽日見。」
「唔夠錢使點解唔試下慳啲使?再唔係做份兼職咪得囉,當年我咪又係咁!」
「我地果時邊係咁!」
「舅父又係大學生,你又係大學生。舅父大學畢業都係太子道買到樓啦?點解你買唔到?」
「做你就做啦,唔好問咁多」
「唔捱得!」
「係你無本事!」
「我地咪又係咁過嚟!」
「你地就係讀得書多讀壞腦呀,所以先搞亂香港咋。」
「我依家打張好牌你上,依家捱下蝕底下,遲下就會升職加人工。」
「咁咪錯囉!我做左二三十年都唔係咁做!你識用電腦都唔等如啱。」
「要你捱少少就嫌三嫌四。」

Close
讚好香港醬聞FB
醬聞隨時送上