今日我玩命叫雞唔戴套,一個月後無愛滋就會出嚟鼓勵學生追尋夢想

近日睇《東張西望》,見到曾老師成功登珠峯,成班學生及市民在完全唔關佢哋事嘅情況下,竟然都深受感動,為他們的「英雄」歡呼雀躍。自此我明白到,原來只要玩命又唔死得,就能成為英雄,受人膜拜,會有電視台訪問,其「英雄事跡」更能鼓勵別人,成為勵志故事,實在太偉大了!

於是,我都決定要做一樣一直好想做,近乎玩命嘅行為-叫雞唔戴套。呢樣嘢刺激性十足,一不小心隨時喪命。就算唔死,都分分鐘搞到周身生晒嘢,比在珠峰灼傷皮膚仲慘十倍。至於準備工作例如資料搜集等亦都唔少得。當我決定咗要進行呢一項壯舉嘅時候,我即刻狂上各大叫雞指南,睇吓人哋嘅賽後報告。我嘅理論係,越老果啲雞,瀨嘢風險越高,因為理論上佢哋所接嘅客嘅總量應該比後生嘅女仔多。我嘅行動,將有助驗證呢個理論,從而幫助其他人。

咦?係喎,我做呢件事仲可以幫到人添喎!曾老師爬山爬餐死,佢都無幫過半個人,甚至攀登期間見到有人受傷佢都唔去救,反而我嘅行為將會幫到人盡可能避免性病,Yeah!我分分鐘仲比曾老師更偉大添!

經過一輪資料搜集之後,我鎖定咗某幾個分別在砵蘭街掛單嘅工作者,然後逐一去幫襯。我會先問佢哋可唔可以加錢唔戴,可以嘅話就再問佢哋可唔可以拍片-呢樣同樣係玩命行為,隨時比馬伕斬死。但我認為個老師同物理治療師登頂後都要影張相證明自己真係上過去啦,咁我叫雞唔戴套都要有嘢證明先有人信我格。

至於點解要搵傳統馬檻而唔搵ptgf果啲,因為我覺得兩者分別就如珠峰山頂同太平山頂咁。幫襯ptgf唔戴套好平常,去砵蘭街唔戴先夠玩命吖嘛!完成之後,我會將過程寫成文字,加埋自己嘅體會同感想及建議,連同影片上傳連登。哼哼,到時我仲唔成為網民嘅英雄?

Close
讚好香港醬聞FB
醬聞隨時送上