中國「奈雪の茶」進軍日本道頓堀開店,中日網民齊轟

中國近年突然流行多款中國製造,但配以日式名字的飲料,其中「元氣森林」和「奈雪の茶」都是當中表表者。而「奈雪の茶」更宣佈進軍日本,將會在大阪人氣旅遊景點道頓堀開店。 之前「奈雪の茶」已在新加坡開設首家海外店,不過當時網民並無太大反應,但以中國製造卻又仿日的形象到日本開店,就令中日兩地網民齊轟。 由於日本人普遍對本國品牌有偏好,故發現有仿日品牌進軍當地時,認定品牌是在「渾水摸魚」、「欺騙消費者」、「以為我們不知道是中國製造嗎?」 而中國網民亦對「奈雪の茶」冷嘲熱諷:「就不能堂堂正正以中國品牌打進去嗎」、「世界變了,中國人由抵制日貨,進化到要模仿日本」、「日本人會受這一套嗎?」 雖然明顯仿日,可是對於進軍日本,「奈雪の茶」卻表示「希望為當地居民提供非凡的體驗,推廣和發揚中國茶文化」。 奈雪の茶始創於2015年6月,隸屬於深圳市品道餐飲管理有限公司。創始人為彭心,其主要目標客群為20-35歲的女性,公司聲稱其單月營業額約是星巴克的六倍。

Read more

藍絲阿媽同我呻:「幾時先有得去日本?」,被我一句KO

藍絲最受人鄙視嘅地方,就係佢哋言行不一,口講愛國,心繫外國。而好不幸地,我阿媽正正就係呢種人。 有日晏晝,佢居然嘆氣咁講:「好掛住日本。」Well,我阿媽鍾意去旅行,中日韓都留低過唔少腳毛,依家邊度都無得去,但佢唔掛住佢偉大嘅祖國,而念念不忘小日本,到底咩玩法? 「好玩,地方又乾淨,食嘢又平,又多嘢買,又安全,啲人又有禮貌,有咩唔好呀?」佢咁回應我,當然指緊日本。 我阿媽以前約過啲親戚去過九寨溝同北京,不過近年已絕少去大陸長線旅行,反而就成日貪平,報區議員啲兩日一夜廣東蛇宴團。佢去得區議員啲旅行多,政治取向亦越來越藍,成日講到中國幾咁好,估佢唔到原來佢最懷念嘅,居然係日本。 「唔係話中國好好玩嘅咩?」我試探地問。 「大陸果啲得啖笑嘅唧,你估古兜溫泉真係溫泉咩,平平哋一班人去行吓當聚會就ok,唔可以話好玩。」 「你果時話九寨溝好靚,北京好宏偉㗎喎,又唔見你話懷念呢啲地方嘅?」我問。 「靚還靚,但中國地方商業味太重,旅遊區入面,無論賣嘢嘅、幫你影相嘅,全部都當你羊牯,離開咗旅遊區你又唔會有興趣去玩。」佢繼續講,「日本就唔同呢,大部分旅遊區都會serve埋本地人,所以比較均真,唔會太搵笨。而日本人平時生活嘅地方,亦都好吸引,唔會剩係得個旅遊景點比你睇,你會真係覺得去緊旅遊,唔係參觀緊一個搭出嚟嘅廠景。」我阿媽呢個TVB式嘅比喻又幾中point。 「咁你又成日話中國乜都好?」我串佢。 「中國好係一件事,咁你去旅行就有其他考慮㗎啦!」我老母又有佢理性一面。我唔知佢明唔明,其實國家好唔好,同去當地旅行好唔好玩,某程度上係同一件事,雖然唔係絕對等同。但佢所舉嘅例子,例如大陸浸溫泉點解唔enjoy,而日本浸就令佢回味再三?就係因為大陸果啲好多根本唔係溫泉,係假貨,又要偷工減料,衛生、配套等都總係爭啲,咁咪令你整體印象唔好囉。又例如九寨溝點解會商業化得咁乞人憎,而日本富士山又唔會令你有呢種感覺?呢啲就涉及民族對自己地方嘅尊重程度,同埋政府規管問題。而政府規管,就更加同社會各持份者有千絲萬縷嘅關係。總之,你估九寨溝嘅幹部會努力保護環境多啲,定係努力幫果度附近酒店搵錢多啲?長期咁玩法,乜美景都會玩殘,仲有乜好去。 「你口中嘅垃圾黃絲,好多都好鍾意去日本嘅,我終於搵到你哋嘅共通點喇!」我串佢。 「唓,咁,好嘢梗係多人鍾意㗎啦,有乜出奇!」我媽反駁。 「其實你有無諗過,遲啲香港可能會變到,你鍾意去日本都會比人管,比人報串,比人杯葛甚至懲罰?」 我阿媽唔出聲,話「屋企唔講政治」就走開咗。當然,睇佢反應,如果有一日香港真係變到咁worse,佢都會頂唔蒲,只係佢呢刻唔alert呢樣嘢唧。一個小小嘅日本,connect咗大多數嘅黃藍人士,呢啲可能就係陶傑成日講嘅「祟優」,唔關立場或政見嘅事,去日本嘅權利受損,先係真正「最黑暗的一天」。

Read more

港警制服貼「風林火山」貼紙,網民:「濫暴如火、罪証如山」

有網民在端午節於元朗YOHO Mall發起「端午節和你shop」,防暴警察到場處理。而一向愛在制服上亂加裝飾的防暴警,又有新搞作,居然齊齊在制服上貼上「風林火山」貼紙。可是他們自以為有型的裝扮,卻遭網民惡搞,令人爆笑。 今日YOHO Mall的警員,部分貼上「風林火山」字樣,部分則貼上代表「風林火山」的圖案,並寫有「Bravo」的徽章。 有網民質疑警方多次強調制服上沒位置展示編號,可是卻有空間貼上無意義的圖案;有網民認為連保安員都比警察專業,至少前者很少在制服上亂貼圖案;有網民建議應該貼「精忠報國」才傳神;有網民指「風林火山」指「消失如風、犯案如林、濫捕如火、罪証如山」,獲大量網民讚好。

Read more

港媽嘆:上水藥房居然對香港人講多謝

我同老公由細到大住上水,覺得上水不嬲唔係咩好地方,但由於住慣咗,所以結婚後都選擇喺上水置業。點知個囡05年出世之後,成個上水嘅環境越急速惡化,自由行政策令全香港最近大陸嘅上水到處都充斥住拖喼水貨客,條本身已經唔係闊嘅街被水貨客霸晒嚟執貨,連BB車都過唔到,成個社區烏煙瘴氣,周街都係垃圾,非常惡頂。 上水人嘅生活近年變得十分不便,幾乎所有街舖都變晒藥房,而啲藥房又唔係做香港人生意嘅。上水人想買塊膠布都難。我相信做民意調查嘅話,應該10個上水人,10個都想啲藥房執晒佢,開返啲民生舖頭比我哋,方便吓啲居民。 呢個願望一直落空,就算上年尾示威最激烈嘅日子,上水依舊塞滿強國人,堵路根本就堵唔住大陸人對湧港嘅熱情。點知一場肺炎,呢隻黑到唔黑嘅天鵝,一嘢就改變晒成個上水嘅生態。上水喺今年2月開始,回復90年代嘅光景,街上幾乎無自由行,藥房執咗唔少,留底嘅,都開始賣多咗香港人用嘅嘢,例如漂白水等。藥房啲員工開始多返啲笑容,有時會烚熟狗頭咁企出舖頭派傳單,仲會跟手嗌聲「靚仔/女,入嚟睇吓吖」咁。 我個人就唔多分藍唔藍店嘅,啲嘢啱咪買囉。有次見到X豐有消毒酒精片買,於是入去買咗盒,盛惠20蚊港幣,而最恐怖係,個收銀哥哥居然笑容滿面地對我禮貌點頭講「多謝」! 如果你感受過上水藥房從業員嘅面口係如何地晦氣,佢哋對香港人嘅鄙視程度如何地高,你就會知道我聽到呢聲用20蚊換返嚟嘅「多謝」有幾咁震撼! 曾經有智者講過,當的士佬肯找散紙,莎莎店員肯講多謝時,就係香港經濟唔掂嘅時候。我覺得當上水藥房業者肯笑嘅時候,亦預視咗香港經濟嘅變化。老實講我唔太十分覺得香港經濟喺疫情期間有幾唔掂。我唔識經濟,只係見到恒指無乜點跌,食肆又大排長龍,完全唔係想像中嘅「蕭條」境況,所以整體經濟似乎感覺未至於撲街。不過局部經濟,例如做自由行生意嘅,就當然GG。 而自由行生意,老實講只有極少數港人受惠,相關從業員們嘅生意,其實係全香港人共同犧牲應有嘅生活空間嚟供養佢哋,如果因為今次疫情而逼到部分做自由行生意嘅業者轉型,對香港絕對係好事。 上水藥房佬終於會同香港人講多謝,證明佢哋開始唔能夠單靠大陸人賺錢,雖然可能只係短期影響,但總不失為良好嘅第一步,日後,希望上水再見唔到專服務自由行嘅藥房,比返啲生活空間比真香港人。

Read more

三峽大壩又驚傳變形,官媒:「有變形但處正常彈性狀態」

多次傳出變形的三峽大壩,近日又再引起熱議。近日中國國務院水利部發布「長江面臨汛期警戒期」,指出今年洪水威脅甚大,有可能帶來極大衝擊。 水利部表示:「今年以來的降水量高出同期6%,還出現19次強降水過程,有148條河流發生超過警戒線水位以上的洪水」。 不少網民擔心疑似變形的大壩難以抵禦洪水,而長江中下游人口高達6億,一旦發生潰壩,後果不堪設想。 雖然官方多次強調大壩「彈性變形是正常現象」,但網民根本不相信,認為大壩變形或反映有決堤危機。而大壩亦被世界大壩協會列為「全世界最危險的大壩」,情況令人擔心。

Read more

羅馬尼亞將廢除與中國核電站協議

《美國之音》報導,羅馬尼亞核電公司上個月底指出,政府要求停止與中國有關核電站建設的談判,預計下週股東會上廢除與中國協議。 報導指,羅馬尼亞官員今年1月開始抨擊中國參與核電站建設一事,羅馬尼亞總理奧班(Ludovic Orban)更嚴厲表示「不可能與中國合作下去」。 中國與東歐國家的合作,近年並不順利。因在對台灣立場上的分歧,中國早前與捷克發生磨擦,而中國去年希望在立陶宛改造深水港的計劃也遭遇失敗。

Read more

加拿大電訊商決定放棄華為,改與愛立信合作建5G

加拿大最大電信公司BCE Inc.(Bell Canada)已經決定與瑞典通訊設備製造商愛立信(Ericsson)合作建設加拿大的5G網絡,這意味該電訊商已放棄與華為的洽談。 BCE總裁Mirko Bibic表示:「5G戰略支持我們的目標,即促進加拿大人彼此之間以及與世界的聯繫,愛立信的創新5G網絡產品,以及其在全​​球舞台上的經驗將成為我們在整個加拿大推廣這種改變遊戲規則的移動技術的關鍵。」 BCE在全球各地的設施中都裝有華為的部件,現未知這一決定對已建的設施有沒有影響。 美國和澳洲已經禁止本國的電訊公司與華為合作開發5G網絡。對此,加拿大政府目前仍然在考慮中,並稱這是政府對網絡安全協議進行全面審查的一部分。

Read more

宣傳照報紙倒著看遭嘲笑,武警急刪文

為了展示自己的忠誠和緊跟黨路線,天津武警在兩會期間在微信公眾號刊出肉麻宣傳照,可是被發現穿崩,在嘲笑聲中急急刪文。 「天津武警」在微信公眾號稱,中國武警在兩會舉行期間,透過各式媒介掌握會議動態,理解並消化相關內容。文章配圖見到5名武警共同閱讀1份摺起來的「人民武警報」,未知是否為了讓刊物名稱完整入鏡,故意讓刊物摺起,但閱讀面則明顯是上下顛倒。 事後,天津武警急急刪文,而曾轉載並嘲諷此圖的「碳資產管理有限公司」首席戰略官李東雷的帖文也已莫名消失,可是其帖文早被截圖,並在各地瘋傳。

Read more

雅典學會要求永久關閉孔子學院,美民主、共和兩黨支持

因認為孔子學院正在試圖影響各地高校的學習環境和意識形態,非牟利組織「雅典學會」(Athenai Institute)日前發表題為「華盛頓倡議」(Washington Appeal)的公開信,要求永久關閉在美所有孔子學院。 該學院認為,中國正通過在世界各國高校設立孔子學院等方式,「公然試圖脅迫並控制校內言論,對學術自由構成了致命威脅。」 這信獲得了民主黨和共和黨雙方學生組織領袖的支持。共和黨下屬的「大學共和黨全國委員會」(College Republican National Committee)在官方推特上發表聲明,該組織的10位執行委員會成員以及45個州主席,一起聯名簽署了公開信。 民主黨下屬的「美國大學民主黨」(College Democrats of America)也有9位全國執行委員會成員以及16位州主席,在信上簽了名。該組織的全國委員會主席John Metz告訴傳媒,這反映了兩黨的青年組織在此問題上「有越來越多的共識」。

Read more

官媒稱「多國」支持立港安法,原來只有北韓、老撾等國

港安法引起全球關注,不少國家更公開表態促中國政府慎重考慮,不要破壞香港原有的人權和法治。可是官媒卻稱有「多國」支持中共訂立涉港國安法,後有網民發現,原來所謂「多國」,是指北韓、老撾、伊朗、委內瑞拉和俄羅斯等國。 據《環球網》報導,支持涉港國安法的國家,包括朝鮮(北韓)、巴基斯坦、委內瑞拉、柬埔寨、老撾、俄羅斯和伊朗。其中朝鮮的聲明最長,支持的理由最多,而越南雖然被《環球網》指支持港安法,不過其聲明卻避重就輕,只表示支持一國兩制,卻未有正面直指支持港安法。

Read more
Close
讚好香港醬聞FB
醬聞隨時送上